Haqqinda.az

Axtardığın haqqında - Hər gün yeni məlumat öyrən

SƏN DƏ GƏL GET CƏZANI AL

Yuvam dimdiyimdə gəzirəm hələ…
Sənsiz yer də yoxdu, dərbədər mənə
Gəl e, gəl qırılıb qırağa düşmüş
o qol budağımdan meyvə dər mənə.

Bilmirəm keçirim hansı halını –
Oynayım toyuna, batım yasına?..
Hər gün neçə məktub yazıb cırıram,
cırıb tullayıram… poçt qutusuna.

Gözləməkdən gözüm çuxura düşüb,
gör heç soruşursan, nə çöküntüdü?
Sənli xatirələr dağılıb evə –
bağışla, otağım tör-toküntüdü.


Tarix: 19.11.2013 / 03:43 Müəllif: Akhundoff Baxılıb: 83 Bölmə: Azerbaycan Edebiyyatindan
loading...